هيك صار

كتبتها بعمر 15 سنة

بُوَّسِتْ خدِّكْ.. تا شِبِعْ خَدِّكْ

سْأَلْتِكْ بَعِدْ، يا حُلْوِتِي، بَدِّكْ

قِلْتِي: بَعِدْ

بَدِّي بَعِدْ

حِسَّيْتْ أَحْلَى مْنِ الْحَلا رَدِّكْ

وِرْكَضِتْ نَوِّسْ

قِنْدِيلِكِ وْبَوِّسْ

شْفافْ مِتْلِ النَّارْ

وْغايْبِه إِنْتِي

عَنِ الْوَعِي كِنْتِي

وْرَحْ خَبّْرِكْ شُو صارْ

صارْ فِي حَرْبَيْنْ

بَيْنْ هَالْجِسْمَيْنْ

جِسِمْ عَمْ بِيئِنّْ

وْجِسِمْ رَحْ بِيجِنّْ

وْإِيدِك بْإِيدِي

وِالْعَيْنْ تِغْمُزْ عَيْنْ

وْبَعْدِكْ عَمِ تْزِيدِي

وِتْبَوِّسِي الْخَدَيْنْ

وْتِعِمْلِي الْبَدِّكْ

ما قْدِرِتْ صِدِّكْ

هَيْدا حِلِمْ عَمْ إِحْلَمُو

مْنِ الصَّعِبْ يِتْحَقَّقْ

صَدِّكْ إِلِي.. ما بِفْهَمُو

بِالْقَهِرْ عَمْ إِغْرَقْ

بِشْتاقْ لِعْيُونِكْ

لَسَحْبِةْ جْفُونِكْ

مِشْتاقْ قِلِّكْ بَسّْ

حِنِّي عَ مَجْنُونِكْ

**