زهره

كتبتها بعمر 15 سنة

لا تغمزي الشبّان بالجيره

بعدك بريئه كتير وزغيره

بفزع، يا حلوه، توقعي بالحب

ومتل الفراشه تلفّك الحيره

درب الغرام بعيد.. أصعب درب

بيحرق قلوب الناس بالغيره

ووحدي أنا.. عم إزرعك بالقلب

وعلّق الصوره برقبتي دخيره

هاي صورتك.. نعمه إلي من الرب

عنك أنا ما بقطع السيره

بْحِبِّكْ يا زَهْرَه.. بْلا خِداعِ وْكِذْبْ

سِيرِي عَ دَرْبِي بْتِفْرَحي.. سِيرِي

زهره.. يا زهره قبال عينك شب

ناطر تا حتّى يشمّك.. كبيره

**