كتبتها بعمر 15 سنة
بَدِّي إِتْجَنَّدْ بَدِّي
عْطُونِي تْيابِ الْجِنْدِيِّه
تا يْصَفِّي إِسْمِي جِنْدِي
بَيْنِ جْنُودِ الْحُرِيِّه
تْرِكُونِي إِحْمِلْ مَدْفَعْ
عَ حْدُودِي اللُّبْنانِيِّه
وِبْإِيدِي الرَّايِه إِرْفَعْ
فِيها الْأَرْزِه الدَّهْرِيِّه
وْشَعْبِكْ يا بْلادِي إِجْمَعْ
شَبابِ وْخِتْيارِيِّه
شَعْبِي لازِمْ يِتْطَوَّعْ
إِسْلامِ وْمَسِيحِيَّه
جِنْدِي وْعِنْدِي شَطارَه
إِحْمِي الرَّايِه الْمَنْصُوبِه
وِالْأَيادِي الْغِدَّارَه
تْصِير بْخَنْجَرْ مَضْرُوبِه
وْإِرْجَعْ عَ الضَّيْعَه زْيارَه
مْزَيَّنْ بِالْمَجْد دْرُوبِي
إِسْقِي زْهُورْ الدُّوَّارَه
وْإِهْدِي الْوَرْد لْمَحْبوبي
**
