يا بنت

ـ1ـ

كل الدني رقصت حَواليي

يا بنت.. لا تتغنجي عليي

لمّن مرقتي.. شفت حالي طرت

لأبعد سما.. لجنه سماويه

ـ2ـ

كنتي الملاك اللي بجمالو احترت

كيف ألله حبّبِك فيي؟

وتا إكتب الأشعار مرّه سهرت

إسأل لَحالي.. ترد سهريه

هالبنت يللي بإسمها فكّرت

وضوّت بعتم الليل.. مين هيي؟

ـ4ـ

هيي اللي كرمالا أنا تغيّرت

وطلّقت إيّام العزوبيّه

ما يوم قالتلي: إنتْ ختيرتْ

وكنت غطي الشيب بـ ديّي

رجعت شب.. بحبّها تزنّرت

وصرت إغرق بالعيون السود

وإهدي العيون دموع عينيي

**