حبيت السمرا

كتبتها بعمر 15 سنة

حِبَّيْتِ السَّمْرَا.. وْحِبَّيْتْ

عَمِّرْلا بِـ قَلْبِي بَيْتْ

وْقِلَّا: سِلَّمْتِكْ رُوحِي

إِنْتِي بَلْسَمْ لِجْرُوحِي

لَمَّا مْنِ قْبَالِي تْرُوحِي

خْيَالِكْ بِعْيُونِي خِبَّيْتْ

السَّمْرَا لْ أَلله خَالِقْهَا

وْجُوَّاتْ قَلْبِي مْعَلَّقْهَا

كِيفْ مَا بَدِّي إِعْشَقْهَا

وْعُمْرِي كِلُّو إِلْهَا عْطَيْتْ

بِسْتَحْلِي تِضْحَكْ مَرَّهْ

وْتِطْفِي بِـ قَلْبِي الْجَمْرَهْ

عْلَيِّي غُضْبَانِهْ السَّمْرَا

يَا رَيْتْ بْتِرْضَى يَا رَيْتْ

إِنْتِي النُّورْ لْ بِعْيُونِي

بِتْمَنَّى حَدِّي تْكُونِي

وْحُبِّي عَ طُولِ تْصُونِي

غَيْرِكْ، وَالله، مَا تْمِنَّيْتْ

**