يحتوي هذا الديوان على عشرات القصائد والاغنيات التي الفها شربل بعيني بعمر 15 سنة وغناها الفنان قحطان حدارة.

مزرعة الشوف

ـ1ـ

يا مزرعه البـ الشوف مين قدّك؟

تركنا الوطن وقلوبنا حدّك

تا نحرسك الله عطانا العون

بالدّم.. بالأرواح منمدِّك

ـ2ـ

بيت البعيني منبعو من هون

دماتنا البالقلب من جدِّك

صارت العيله أوسع من الكون

تا تنفِّذ الأكوان شو بدِّك

ـ3ـ

بصرتك ورود بألف لون ولون

وختيار جايي حامل سنينو

ما سألتو الأحلام عن دينو

تا يبوّس الوردات ع خدّك

**