عَ طُولْ بِيرُوحُوا الْبَشَرْ
مِنْ دُونْ سَلام وْلا خَبَرْ
فِي نَاسْ تَرْكُوا هَالدِّنِي
وْصِيتُنْ عَ طُولِ بْيِنْذَكَرْ
وَأْطْفَالْ عُمْرِ الْوَلْدَنِهْ
كِبْرُوا.. وْشَابُوا مْنِ الْكِبَرْ
وْكُلْ مَا سِنِهْ تِبْلَعْ سِنِهْ
مِنْعِيشْ نِحْنَا بِالصُّوَرْ
مَهْمَا بْحَالَكْ تِعْتِنِي
بِتْرُوحْ مَا بْتِتْرُكْ أَثَرْ
شُو بْيِنْفَعَكْ تِمْرُقْ دَنِي
فَكِّرْ.. إِذأ عِنْدَكْ نَظَرْ
مَا عَاشْ بِالدِّنْيِي غَنِي
إِلاَّ وْمِتِلْ غَيْرُو انْقَبَرْ
فَوْقِ الْقَبِرْ كَمْ سَوْسَنِهْ
وَمَكْتُوْب إِسْمُو عَ الْحَجَرْ
**
