عودي إلي

كتبتها بعمر 15 سنة

ـ1ـ

نزلت دموعي دم ع خدودي

ع رنّة وتر مجروح من عودي

وصرت اصرخ فاقد الاحساس

عودي إلي يا حلوتي عودي

ـ2ـ

عودي إلي تا تسكني بقلبي

وجودك سراج منوّر بدربي

وحبّك أنا رح صون مع حبّي

وكرمال عينك إحفظ عهودي

ـ3ـ

عودي إلي تا الحلم يتحقّق

وما عود إنطر بعد ع المفرق

غيابِك قهر.. والقلب عم يشهق

عودي بقى الإيام معدوده

ـ4ـ

عودي إلي تا نرجع نغنّي

غناني الهوى ونعيش بالجنه

وتا يغمرك هالقلب مستني

برجوعك بيتحقق وجودي

ـ5ـ

عودي إلي يا حلوتي مشتاق

ع جناح طير الحب والأشواق

باب الأمل لما بوجّي ضاق

صارت بواب الحب مسدوده

**