عيد الحب

 كتبتها بعمر 15 سنة

عيد الحب

عِيَّدِتْ بِالْغُرْبِه

وْشُو فِرِحْ قَلْبِي

حِسَّيْتْ إِنُّو الْعِيدْ

عَمْ يِفْرُشِ بْدَرْبِي

زْهُورْ وِزْغارِيدْ

وْحُبِّي الْلِي حارِسْنِي

جايِي يْلَبِّسْنِي

خاتِمِ وْيِحْبِسْنِي

وْطَقْمُو حِلُو وِجْدِيدْ

بِشْباطْ عِيدِ الْحُبّْ 

مَحْلاهْ لِمِّنْ طَلّْ

إِيدَيْنِ تِهْدِي الْقَلِبْ

باقاتْ وَرْدِ وْفُلّْ

وِبْغُرِبْتِي فَرْحانْ

وْناطِرِ وْسَهْرانْ

طَلِّةْ حَبيبي الْكانْ

بَيْرَقْ عَ راسِ التَّلّْ

عيدِ الْمَحَبِّه صارْ

مْشاوِيرْ فَوْقِ دْروبْ

وْعِشّاقْ حُبُّنْ نارْ

وِقْلوبْ عَمّْ بِتْدوبْ

ساعِدْني يا عيدِي

تا إِحْمِلْ بْإِيدِي

شي زَنْبَقَه جْدِيدِه

بِتْفَرِّحِ الْمَحْبوبْ

**