كتبتها بعمر 15 سنة
ـ1ـ
لا تسألوني شو بني
لا تسألوا
غاب الحبيب صرلو سنه
وأكتر إلو
ـ2ـ
غاب وطوّل بغيابو
أغلى حبيب
غاب ودشّر أحبابو
متل الغريب
ـ3ـ
غاب ونسي هالقاسي
إنّي بحبّو
عذّبني وحبي ناسي
ما قْسى قلبو
ـ4ـ
ويا طير الطاير صوبو
دخلك قلّو
بدي إمشي ع دربو
شو ما صرلو
ـ5ـ
وبعدي بنطر تا يرجع
أغلى محبوب
وبقعد وحدي إتوجع
ع دروب دروب
ـ6ـ
قلب المحبوب محجّر
يا ربّ يحن
مسكينه، وعقلي معتّر
نتفه وبيجن
**
